Futbol üzrə Avropa çempionatının sonuncu yarımfinalçısı məlum oldu.
İtaliyanı penaltilərdə 4-2 hesabla məğlub edən ispanlar yarımfinala çıxdılar
Futbol üzrə Avropa çempionatının sonuncu yarımfinalçısı İspaniya və İtaliya yığma komandalarının görüşündə məlum oldu. Skuadra Adzurra ilk dəqiqələrdən oyuna fəal başladı. İlk təhlükə də elə italyanlardan gəldi. Matçın 20-ci dəqiqəsində Perotta Ambrozi sol cinah asmasından sonra İker Kasilyası yoxlamadan keçirdi.
İspanların isə ilk təhlükəli vəziyyəti birinci hissənin 25-ci dəqiqəsinə təsadüf etdi. David Vilyanın 25 metrdən Buffon səddini aşmaq istəyi elə istək olaraq qaldı. Hücumlarının kəsərini artıran ispanlar bir daha 32-ci dəqiqədə rəqibin qapısı ağzında həyəcan təbili çaldılar. Bu dəfə də Buffon çevik tərpəndi.
İkinci yarını italyanlar daha fəal başladılar. 61-ci dəqiqədə italyanların çoxgedişli kombinasiyası hesabın açılması ilə nəticələnə bilərdi. Kasilyas Kamoranezinin dəf edərək son anda komandasını real qoldan qurtardı. Matçın 81-ci dəqiqəsində isə Canluici Buffon Sennanın mükəmməl zərbəsinin qarşısını çətinliklə də olsa ala bildi. Artırma dəqiqələrində Kasilyas Di Natalenin başla vurduğu topun çərçivədən keçməsinə imkan vermədi.
İspaniyada penalti atışlarını David Villa, Karloza, Senna və Fabreqas qola çevirdi, Quiza isə penalti atışlarını qola çevirə bilmədi.
İtaliyada isə Qrosso və Camoranesi atışları qola çevirdi. De Rossi və Di Natalenin toplarını qarşısı isə alındı. İspaniya millisi yarımfinalda Rusiya komandası ilə yarışacaq.
Xatırladaq ki, bu komandaların qrup mərhələsindəki qarşıdurması ispanların 4-1 hesablı qələbəsi ilə nəticələnmişdi.
