Soydaşımız 5636 metr hündürlüyündə olan və Şimali Amerikanın üçüncü ən yüksək zirvəsi sayılan Orizabaya Azərbaycan bayrağını sancıb. Əli Sənai verdiyi açıqlamada bildirib ki, Meksikanın ən hündür zirvəsini fəth edərkən Xocalı soyqırımı qurbanlarını yad etmək və onların harayını dünyaya çatdırmaq istəyib. Həmyerlimiz bu aksiya ilə həmçinin vətəni olan Azərbaycanı təbliğ etmək məqsədi daşıdığını da qeyd edib. Əli Sənai yaxın gələcəkdə Afrikanın Kilimancaro, Cənubi Amerikanın Akonakua, Alyaskanın Denali və Himalayın Everest zirvəsini fəth etmək niyyətindədir. Qeyd edək ki, Əli Sənai 18 yaşından etibarən alpinizmlə maraqlanır. O, Meksikanın Orizaba zirvəsinə türkiyəli dostu Hakan Yalçın ilə bir yerdə qalxıb.

Azərbaycanın adını yüksəklərə qaldıran soydaşlarımızla fəxr edirik !!!