Honkonqda keçirilən hərracda nadir mavi brilliant 8 milyon dollara satılıb. 6.04 karat olan nadir qiymətli daşı Böyük Britaniya şirkətlərindən biri alıb. 1 karatı 1 milyon 300 min dollara satılan brilliant qiymətinə görə ən bahalı daş olub. Qeyd edək ki, bu vaxta qədər ən bahalı daş 20 il əvvəl karatı 917 min dollara satılan qırmızı brilliant hesab edilirdi. Mavi brilliantı satışa çıxaranın isə asiyalı kolleksiyaçı olduğu bildirilir. Lakin o adının açıqlanmasını istəməyib.
